Landform ehf er framsýnt ráðgjafafyrirtæki á sviði landslagsarkitektúrs og skipulags sem sinnir öllum störfum sem tengjast umhverfis- og skipulagsmálum, hönnun og landupplýsingum. Landform er einkahlutafélag í eigu Odds Hermannssonar, landslagsarkitekts FÍLA, og hefur fyrirtækið starfað frá árinu 1994.

Starfsmenn Landform hafa breiðan faglegan grunn bæði hvað varðar menntun og starfsreynslu. Frá upphafi hefur mikil fjölbreytni  verið í verkefnum Landforms og hefur það skapað dýrmæta kunnáttu og reynslu sem nýtist starfsmönnum vel við úrlausn verkefna vítt og breitt um Ísland. Landform leggur mikla áherslu á að vinna hvert einstakt verkefni í nánu samráði við verkkaupa sinn og leggur mikið upp úr þverfaglegu og góðu samstarfi við aðrar arkitekta- og verkfræðistofur,  jafnt innanlands sem utan. Helstu viðskiptavinir fyrirtækisins eru opinberar stofnanir, sveitarfélög, fyrirtæki og einstaklingar. Landform ehf. er með starfsábyrgðartryggingu löggiltra hönnuða aðal- og séruppdrátta.

Landform starfar í björtu og rúmgóðu húsnæði að Austurvegi 6 á Selfossi og er öll starfsaðstaða mjög góð. Nýjustu gerð af stafrænni tækni er beitt við hönnun og úrvinnslu verkefna og er allur tölvu- og hugbúnaður uppfærður reglulega. Fyrirtækið býr yfir nýjustu útgáfum af AutoCAD Civil 3D, AutoCAD Map og M-Color Preview teikniforritum auk fjölmargra annarra mynd- og stoðforrita.

Starfsmenn Landforms eru félagar í Félagi íslenskra landslagsarkitekta, FÍLA, eða öðrum hliðstæðum fagfélögum og fylgja þeim starfs- og siðareglum sem félögin hafa sett sér.

Almennar upplýsingar:
Heiti í hlutafélaga- og firmaskrá:  Landform ehf.
Kennitala:  641097-2259
Aðsetur:  Austurvegur 6, 800 Selfoss
Sími: 482 4090
Fax: 482 3542
Netfang: Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það.